उहाँले भन्नुभयो, “हाउसको पहिलो बैठक कसरी सञ्चालन गर्ने र के के कार्यसूची राख्नेबारेमा छलफल भयो । कतिपय कुराहरू हामी छलफलबाट टुङ्ग्याएर निस्किएका छौँ । सभा सञ्चालनको लागि आवश्यक संसद् नियमावलीलाई प्रतिस्थापन गर्ने सहमति भएको छ । तर नयाँ नियमावली नबन्दासम्म हाल रहेकै नियमावलीलाई टेकेर बैठक सञ्चालन गर्ने कुरा पनि भएको छ । यो सभाको पहिलो बैठकमै प्रस्ताव भएर अगाडि बढ्छ । सभामुखको निर्वाचनसम्बन्धी प्रस्ताव सभाको पहिलो बैठकमा प्रस्ताव हुने, २० गते मनोनयन गर्ने र २२ गते निर्वाचन गर्ने कार्यतालिकामा हामीले छलफल गर्यौं । बैठकमा कार्यव्यवस्था परामर्श समिति गठन र अध्यक्षता गर्ने सदस्यको चयन गर्ने कुरामा पनि छलफल भयो । त्यसैगरी प्रतिनिधि सभाको पहिलो बैठकबाट जेनजी आन्दोलनका शहीदहरुप्रति श्रद्धाञ्जली व्यक्त गर्ने कार्यसूची पनि राख्ने सहमति भयो । बैठकमा दलका शीर्ष नेताहरुले शुभकामना दिने कुराहरु पनि छ । त्यसमा समय निर्धारण गरेर अगाडि बढ्ने तयारी गरेका छौँ ।”

सभाको पहिलो बैठकमा गत भदौ अन्तिम साताको जेनजी आन्दोलनका शहीदहरुप्रति श्रद्धाञ्जली व्यक्त गर्ने कार्यसूची पनि रहेको छ ।

राष्ट्रिय प्रजातन्त्र पार्टीकी संसदीय दलकी प्रमुख सचेत खुम्बु ओलीले संसद्को नियमावली संशोधन गर्नेबारे सबै दलहरु सकारात्मक रहेको बताउनुभयो ।

उहाँले कार्यव्यवस्था परामर्श समितिमा सबै दलको समान सहभागिता रहनुपर्ने आफ्नो पार्टीको धारणा रहेको पनि बताउनुभयो । उहाँले संसद्‌मा राष्ट्रिय प्रजातन्त्र पार्टी समन्वय र सहकार्यसहित प्रभावकारी उपस्थिति जनाउने बताउनुभयो ।

बुधबार, चैत १८, २०८२ मा प्रकाशित

सम्बन्धित समाचार

बैतडीमा जिप दुर्घटनाः एकको मृत्यु, छ जना घाइते

पुरानो परिवेशमा अनमोल र प्रिन्सीको प्रेमकथा, ‘बाटुलो जून’को ट्रेलर सार्वजनिक

चौँरीगोठमै भेटियो पासाङलाई विदेशभन्दा राम्रो अवसर

अमेरिकाको मध्यावधि निर्वाचनमा दुवै सदनमा डेमोक्रेटिकको बहुमत

आज कार्तिक १९ गते बिहिबारको तपाइको राशिफल

इन्द्रदेव सिनेमामा टिकटको मूल्य घट्यो, अब ७५ रुपैयाँमै फिल्म हेर्न पाइने