गृहमन्त्री सुदन गुरुङको राजीनामा, निष्पक्ष छानबिनका लागि पद त्याग

नमस्ते चितवन

बुधबार, बैशाख ०९, २०८३ मा प्रकाशित

काठमाडौं । गृहमन्त्री सुदन गुरुङले अन्ततः पदबाट राजीनामा दिएका छन्। पछिल्लो समय आर्थिक अनियमितताको आरोपमा घेरिएका उनले बुधबार प्रधानमन्त्री बालेन शाहसमक्ष राजीनामा बुझाएका हुन्।

आफूमाथि उठेका प्रश्नहरूको निष्पक्ष छानबिन होस् र सरकारी कामकारबाहीमा कुनै असर नपरोस् भन्ने भन्दै उनले पद त्याग गरेको बताएका छन्। गुरुङले नैतिकता र जनविश्वासलाई प्राथमिकता दिँदै यस्तो निर्णय लिएको उल्लेख गरेका छन्।

उनको राजीनामापछि सरकारभित्र नयाँ समीकरणको चर्चा सुरु भएको छ। विशेष गरी गृह मन्त्रालयको जिम्मेवारी कसले सम्हाल्ने भन्ने विषयमा राजनीतिक दलहरूबीच छलफल तीव्र हुने देखिएको छ।

सामाजिक सञ्जालमार्फत प्रतिक्रिया दिँदै गुरुङले सार्वजनिक जीवनमा पारदर्शिता र जवाफदेहिताको आवश्यकता औँल्याएका छन्। उनले आफूले नैतिक जिम्मेवारी पूरा गरेको बताउँदै आगामी छानबिनमा सहयोग गर्ने प्रतिबद्धता जनाएका छन्।