तुला
तुला (रा, रि, रु, रे, रो, ता, ति, तु, ते) कुनै निमन्त्रणा वा सामाजिक कार्यक्रममा सहभागी हुने सम्भावना देखिन्छ। नयाँ व्यक्तिसँग भएको चिनजानले भविष्यमा राम्रो सम्बन्धको आधार तयार गर्न सक्छ। खुला मनले सबैसँग घुलमिल हुनु उपयुक्त हुनेछ। आजको शुभ रंग गुलाबी हो भने शुभ अंक ५ रहेको छ।

बृश्चिक
वृश्चिक (तो, ना, नि, नु, ने, नो, या, यि, यु) आफ्नो अनुभव अरूलाई काम लाग्ने अवस्था बन्न सक्छ। तपाईंले दिएको सल्लाह वा सहयोगको प्रशंसा हुनेछ र त्यसबाट आत्मसन्तुष्टि पनि प्राप्त हुनेछ। नम्र व्यवहारले सम्मान अझ बढाउनेछ। आजको शुभ रंग गाढा रातो हो भने शुभ अंक ८ रहेको छ।

धनु
धनु (ये, यो, भा, भि, भु, धा, फा, ढा, भे) धार्मिक वा आध्यात्मिक वातावरणतर्फ मन आकर्षित हुनेछ। केही समय प्रार्थना, ध्यान वा शान्त स्थानमा बिताउँदा मनको चञ्चलता कम हुनेछ, साथै सोचमा पनि स्पष्टता आउनेछ। कुनै सामाजिक वा पारिवारिक सम्मेलनमा सहभागि हुने अवसर प्राप्त हुनेछ। आजको शुभ रंग केशरी हो भने शुभ अंक ३ रहेको छ।

मकर
मकर (भो,जा,जि,जु,जे,जो,ख,खि,खु,खे,खो,गा,गि) अधुरो रहेको अध्ययन, लेखन वा पढ्ने विषय फेरि अघि बढाउन मन लाग्न सक्छ। नयाँ कुरा सिक्ने बानीले आत्मविश्वास बढाउनेछ र त्यसको उपयोग छिट्टै गर्न सकिनेछ। ज्ञानलाई व्यवहारमा उतार्ने समय छ। आजको शुभ रंग खैरो हो भने शुभ अंक २ रहेको छ।

कुम्भ
कुम्भ (गु, गे, गो, सा, सि, सु, से, सो, दा) आउजाउ वा यात्राको योजना बन्न सक्छ। समयको सही व्यवस्थापन गर्नुभयो भने थोरै प्रयासमै धेरै काम पूरा गर्न सकिनेछ। दिनको सुरुवातदेखि नै योजना मिलाएर अघि बढ्नु राम्रो हुनेछ। आजको शुभ रंग निलो हो भने शुभ अंक ७ रहेको छ।

मीन
मीन (दि, दु, थ, झ, ञ, दे, दो, चा, चि) भित्र लुकेको सकारात्मक सोचलाई बाहिर ल्याउने समय आएको छ। लेखन, संगीत, चित्रकला वा आफूलाई मनपर्ने कुनै काममा ध्यान दिनुभयो भने मनले खोजेको सन्तुष्टि प्राप्त हुनेछ र नयाँ उत्साह पनि जाग्नेछ। आजको शुभ रंग बैजनी हो भने शुभ अंक ५ रहेको छ।