काठमाडौं । चलचित्र ‘पाँच पाण्डव’ले केन्द्रीय चलचित्र जाँच समितिबाट युनिभर्सल (यू) सर्टिफिकेट प्राप्त गरेको छ। समितिले आज बिहान चलचित्रलाई सबै उमेर समूहका दर्शकले हेर्न मिल्ने गरी युनिभर्सल सर्टिफिकेट प्रदान गरेको हो।
युनिभर्सल सर्टिफिकेट पाएसँगै ‘पाँच पाण्डव’ सबै उमेर समूहका दर्शकले हेर्न पाउने भएका छन्। निर्माणपक्षले चलचित्रलाई सपरिवार बसेर हेर्न मिल्ने मनोरञ्जनात्मक सिनेमा भएको बताएको छ।
वर्षकै प्रतीक्षित चलचित्रका रूपमा प्रचार गरिएको ‘पाँच पाण्डव’ यही कात्तिक २० गतेदेखि देशभरका सिनेमा हलमा प्रदर्शन हुँदैछ। चलचित्रलाई बसन्त निरौलाले निर्देशन गरेका हुन्।
चलचित्रमा हरिवंश आचार्य, महेश त्रिपाठी, जितु नेपाल, विनोद न्यौपाने, आर्यन सिग्देल, सुशील सिटौला, इभा गिरी र दीपाश्री निरौलालगायत कलाकार मुख्य भूमिकामा छन्। त्यस्तै सरिता गिरी, रमा थपलिया, प्रशान्त ताम्राकार, सीता न्यौपाने र रितेश पौडेल (रितेशजंग खत्री) लगायतको पनि अभिनय रहेको छ।
काली रानी फिल्मस्को ब्यानरमा निर्माण भएको चलचित्रका प्रस्तुतकर्ता नवीन श्रेष्ठ हुन् भने निर्माता काली रानी श्रेष्ठ रहेकी छन्। नवीनले यसअघि गत वर्ष चलचित्र ‘लाज शरणम्’ निर्माण गरेका थिए।
‘पाँच पाण्डव’को कथा, पटकथा तथा संवाद सुशील पौडेलले लेखेका हुन्। सामाजिक कथावस्तुमा आधारित यस चलचित्रले महाभारतका पाँच पाण्डवका चरित्र र विम्बलाई प्रयोग गर्दै समकालीन नेपाली समाजको कथा प्रस्तुत गर्ने लेखक पौडेलले बताएका छन्।
श्याम तामाङको छायांकन रहेको चलचित्रमा सुप्रिम पराजुलीको सम्पादन, सम्राट बस्नेतको द्वन्द्व निर्देशन तथा गम्भीर विष्ट र विक्रम स्वाँरको कोरियोग्राफी रहेको छ। चलचित्रलाई डल्बी एटमस साउन्ड प्रविधिमा तयार गरिएको निर्माणपक्षले जनाएको छ।
चलचित्रमा अर्जुन पोखरेलको संगीत, उत्तम न्यौपानेको साउन्ड डिजाइन, सुजिल कर्माचार्यको ब्याकग्राउन्ड म्युजिक (बीजीएम) र पुकार धिमालको भिएफएक्स रहेको छ। रोहित राज गौतम एचओपी तथा विष्णु बुढाथोकी प्रोडक्सन म्यानेजर छन्।
चलचित्रको डिजिटल पार्टनर ओएसआर डिजिटल रहेको छ भने आरआर फिल्म्सले देशव्यापी वितरण गर्नेछ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.