बहुप्रतीक्षित फिल्म ‘प्रेमगीत ३’को युनिट प्रचार प्रसारको लागी चितवनमा

भाद्र २९ ,काठमाडौं । बहुप्रतीक्षित फिल्म ‘प्रेमगीत ३’ यहि ७ असोजदेखि नेपाल र भारतमा एक साथ प्रदर्शनमा आउदैछ । प्रदर्शनको तयारीमा रहेको चलचित्र यतीखेर चलचित्रका निर्माण पक्ष प्रचारप्रसारमा व्यस्त रहेका छन् । दुई समूहका विभाजन गरी नेपाल र भारतमा प्रचारप्रसार गरी रहेका छन् ।

निर्देशक एंव निर्माता सन्तोष, नायक प्रदीप खड्का सहितको टोली भारतका विभिन्न शहरहरुमा प्रचारप्रसारमा व्यस्त छन् भने नेपालमा कलाकार सुनील थापा(राते काइला)को नेतृत्वको टोली नेपालका विभिन्न शहरहरुमा चलचित्र प्रचारप्रसारमा व्यस्त रहेका छन् ।

चितवनमा मंगलबार भएको पत्रकार सम्मेलनमा बोल्दै चलचित्रका कार्यकारी निर्माता चक्रबहादुर चन्दका अनुसार नेपाली भर्सनसँगै हिन्दी भर्सन पनि असोज ७ मै चलचित्र नेपालमा रिलिज हुनेछ । उनले मधेशसँगै सिंगो कलाप्रेमीको मागलाई केन्द्रमा राख्दै आफूहरूले दुवै भर्जन रिलिज गर्ने निर्णय गरेको जनाएका छन् ।

चलचित्रका कलाकार सुनील थापाले चलचित्र प्रेमगीत ३ नेपाल र नेपालीले गर्व गर्नुपर्ने चलचित्र बनेको छ । टिपिकल नेपालका विभिन्न दृश्यलाई समेटिएर तयार भएको चलचित्र नेपाली र हिन्दी भाषामा तयार भएकाले भारतीय र नेपालीहरुले साथ र माया गर्नेमा आफुहरु ढुक्क रहेको बताए । बलिउडमा प्रतिस्पर्धा गर्दैगर्दा नेपाली चलचित्रको इतिहास रच्नेछ । बहुचर्चित बहुबली चलचित्रमा डविङ गर्ने कलाकारले नै चलचित्रको डविङ गरिएकाले झन चलचित्रको हाइट बढेको उनले बताए ।

कार्यक्रमामा नव नायक मनिष रावत, प्रेम पुरी, गायक प्रताप दास लगायतले चलचित्रबारे आफ्ना अनुभव र भनाई राखेका थिए । गायक प्रताप दासले फिल्मको गीत गाएर सुनाएका थिए ।कलाकारहरु प्रमोसनको लागि चितवनका विभिन्न कलेजहरुमा समेत पुगेर फिल्मको बारेमा जानकारी दिएका थिए ।

स्व. छेतन गुरुङ र सन्तोष सेनको संयुक्त निर्देशनमा तयार भएको फिल्ममा प्रदीप खड्का, क्रिस्टिना गुरुङ, शिव श्रेष्ठ, अनुभव रेग्मी, सम्वृद्धि शाही ठकुरी, सुनिल थापा, मनिष राउत, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, जीवन भट्टराई, योगिशा खत्री, राज थापालगायतका कलाकारहरुको अभिनय छ ।

निर्देशक गुरुङको फिल्म प्रदर्शन हुनु अघि नै निधन भइरहेको छ । गुरुङ चलचित्र लेखक समेत रहेका थिए । उनले लेखेका चलचित्र नोभेम्बर रेन, क्लासीक रहेको छ भने डमरुको डण्डीवियो चलचित्र निर्देशन गरेका थिए ।

फिल्मले मुस्ताङको पृष्ठभूमिमा रहेर प्रेम र राजगद्दीका लागि हुने लडाइँलाई प्रस्तुत गर्नेछ । असोज ७ गते फिल्म नेपाल र भारतसहित विश्व बजारमा रिलिजको तयारीमा छ । जी म्युजिक, यूएफओ र मधु इन्टरटेनमेन्टले फिल्मलाई भारतमा रिलिज गर्न लागेका हुन् ।अहिले दिल्ली र मुम्बईका सडकमा समेत फिल्मको होर्डिङ बोर्डसहित प्रचारप्रसार सुरु भएको छ । हल रिलिजको आठ सातापछि यो फिल्म अमेजन प्राइममा समेत रिलिज हुने भएको छ ।

बुधबार, भदौ २९, २०७९ मा प्रकाशित