नारायणगढको कमलनगरको आगलागी कराडौंको क्षति,अनुगमन गर्न पुगिन मेयरकी उम्मेदवार दाहाल

नमस्ते चितवन

बिहिबार, बैशाख १५, २०७९ मा प्रकाशित

वैशाख १५ ,भरतपुर ।भरतपुर महानगरको मेयरको उम्मेदवार रेनु दाहालले नारायणगढको कमलनगरमा भएको आगलागीको अनुगमन गर्नुभएको छ ।उहाँले पीडितलाई क्षतिपूर्तिको लागि सम्वन्धित निकायमा पहल गर्ने वचन दिनुभएको छ ।उहाले जनताको सुख दुखमा आफू सधै साथमा रहने वताउनुभएको छ ।

आज विहान २ बजे कमलनगर स्थित तुल्सिराम सापकोटाको चार तल्ले घरमा आगलागी हुंदा करोडौंको क्षति भएको छ ।आगलागीबाट सो घरमा सञ्चालनमा रहेका पहिलो तल्लाका पसलहरु जलेर नष्ट भएको जिल्ला प्रहरी कार्यालय चितवनले जनाएको छ ।आधिकारिक तथ्यांक आउन बाँकी रहेको भए पनि ६ वटा पसलमा भएको आगलागीबाट करोडौंको क्षति भएको अनुमान गरिएको छ ।

अचानक आगो लागि भएको भन्ने सुचना प्राप्त हुनासाथ नेपाली सेनाको दमकल, भरतपुर महानगर, खैरहनी नगरपालिका, कावासोतीको दमकल प्रयोग गर्नुका साथै स्थानीय बासिन्दा, सुरक्षाकर्मी, लगायतको सहयोगबाट आगलागी फैलनबाट रोकिएको थियो ।