चलचित्र ‘परालको आगो’ को शुभमुहूर्त

नमस्ते चितवन

बिहिबार, भदौ १९, २०८२ मा प्रकाशित

काठमाडौं , भाद्र १९
चलचित्र ‘परालको आगो’ को शुभमुहूर्त गरिएको छ । कथाकार गुरुप्रसाद मैनालीको चर्चित कथा ‘परालको आगो’ मा आधारित चलचित्रको स्क्रिप्ट पूजा गर्दै बिहीबार शुभमुहूर्त गरिएको हो ।

यही भदौ २६ गतेदेखि छायाङ्कन हुने चलचित्रमा सौगात मल्ल, प्रकाश सपुत, सुहाना थापा, सिर्जना अधिकारी, शंकर आचार्य, किशोर भण्डारी, कुलदीप अधिकारी, सरु भण्डारी, रेणु न्यौपानेलगायतको अभियान रहने छ ।

उनीहरुले चलचित्रका लागि वर्कसप समेत गरेका छन् । चलचित्रका निर्माता सुशील पोखरेल हुन् भने लेखक सुशील देवकोटा रहेका छन् ।

चलचित्रको निर्देशन लक्ष्मण सुनारले गर्दै छन् । चलचित्रको छायाङ्कन सङ्कल्प भुजेलले गर्नेछन् । अन्य प्राविधिक टिममा रामजी लामिछाने (नृत्य निर्देशन), सुलक्षण भारती (स्क्रिप्ट डक्टरिङ), सुशील देवकोटा (लेखन) र नगेन्द्र घिमिरे (प्रोडक्सन म्यानेजर) रहेका छन् ।