काठमाडौं, चैत्र २६ । इजरायलले लेबनान माथि गरेको भीषण हवाई आक्रमणले फेरि पश्चिम एसियामा तनाव चुलिएको छ। केही घण्टा अघि मात्र बनेको युद्धबिराम प्रभावहीन जस्तै बनेपछि भएको यस हमलामा २५४ जनाको ज्यान गएको छ भने १,१०० भन्दा बढी घाइते भएका छन्।
राजधानी बेरुतसहित दक्षिणी क्षेत्र र बेका भ्यालीमा छोटो समयमै दर्जनौं बम वर्षाइँदा बस्तीहरू तहसनहस भएका छन्। हिजबुल्लाह लक्षित कारबाही भनिए पनि सर्वसाधारण ठूलो मारमा परेको स्थानीय स्रोतले जनाएका छन्।
ध्वस्त संरचनाबीच मानिसहरू चिच्याउँदै भागिरहेका दृश्यहरू सार्वजनिक भएका छन्। उद्धारकर्मीहरू भग्नावशेषमा पुरिएका मानिस खोज्न खटिएका छन्। अस्पतालहरू भरिभराउ छन्, औषधि र रगत अभाव बढ्दै गएको छ।
युद्धबिरामको विषयमा भने अझै अन्योल कायम छ। Iran ले लेबनान पनि सम्झौतामा परेको दाबी गरे पनि Israel र United States ले त्यसलाई अस्वीकार गरेका छन्।
यसैबीच, हिजबुल्लाहले पनि जवाफी हमला सुरु गरिसकेको छ। इजरायलको उत्तरी क्षेत्रमा रकेट प्रहार भएपछि द्वन्द्व अझै चर्किने संकेत देखिएको छ।
संयुक्त राष्ट्रसंघकाले तत्काल युद्ध रोक्न आग्रह गर्दै स्थिति नियन्त्रणबाहिर जान सक्ने चेतावनी दिएको छ।युद्धबिरामकै बीच भएको यो रक्तपातले शान्ति प्रयासमाथि गम्भीर प्रश्न उठाएको छ भने क्षेत्रीय युद्धको जोखिम झन् बढेको विश्लेषण गरिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.