कर्णाली प्रदेशमा सीता वादीले १ हजार ७५१ मत प्राप्त गर्दै सबैभन्दा बढी मत ल्याएकी छन्। विनिता कठायतले १ हजार ५०० मत प्राप्त गरेकी छन् भने टासी ल्हाजोमले १ हजार १३५ मत ल्याएकी छन्। मेनुका शाही (७९८), गोमा थापा (६१६), प्रकाश न्यौपाने (६१२) र अनिल बनियाँ (६०३) ले पनि राम्रो मत प्राप्त गरेका छन्।

सुदूरपश्चिम प्रदेशमा केपी खनालले १ हजार ८४० मत प्राप्त गरेका छन्। तर सोही प्रदेशका हेमराज थापाले २ हजार ३० मत प्राप्त गर्दै प्रदेशकै मात्र होइन, हालसम्म सार्वजनिक मतपरिणाममध्ये सर्वाधिक मत ल्याउने उम्मेदवार बनेका छन्। दीपकराज मोहराले १ हजार ४५०, जानकी जोशीले १ हजार १४८, चन्द्रा ए. चाँदनीले १ हजार १२६ तथा रत्न थापाले ९६१ मत प्राप्त गरेका छन्।

रास्वपाको प्रथम महाधिवेशनबाट केन्द्रीय सदस्यका ९९ पदका लागि निर्वाचन भएको हो। निर्वाचन आयोगका अनुसार देशभित्रका प्रतिनिधिको मतदान सम्पन्न भइसकेको छ भने प्रवासबाट प्राप्त मत समावेश गरी अन्तिम नतिजा सार्वजनिक गरिनेछ। त्यसपछि पार्टीको नयाँ केन्द्रीय समितिले पदाधिकारी चयन प्रक्रिया अघि बढाउनेछ।

चितवनमा जारी महाधिवेशनले रास्वपाको आगामी नेतृत्व, संगठनात्मक संरचना र राजनीतिक दिशाबारे महत्वपूर्ण निर्णय गर्ने अपेक्षा गरिएको छ।