काठमाडौं । विपिन कार्की र मिरुना मगरको मुख्य भूमिका रहने नयाँ नेपाली चलचित्र ‘बखत्ते’को शुभमुहूर्त गरिएको छ। आन्भी फिल्म्सको प्रस्तुति तथा कबड्डी फिल्म्सको सहकार्यमा निर्माण हुने चलचित्रको शुक्रबार ललितपुरस्थित महालक्ष्मी मन्दिर परिसरमा शुभमुहूर्त गरिएको हो।
चलचित्रको लेखन तथा निर्देशन उपेन्द्र सुब्बाले गर्नेछन्। लामो समय लिएर चलचित्र निर्माणको तयारी गरेको बताउँदै निर्देशक सुब्बाले ‘बखत्ते’को कथा दर्शकले रुचाउने विश्वास व्यक्त गरे।
“मैले लामै समय लिएर ‘बखत्ते’ निर्देशन गर्न लागेको छु। यो कथा चाहिँ दर्शकले रुचाउनु हुनेछ भन्ने लागेको छ,” उनले भने, “इमान्दार भएर कथा लेखेको छु, सिनेमा पनि इमान्दार भएर बनाउनेछु। आशा छ, दर्शकले पनि मन पराउनु हुनेछ।”
सुब्बाको पछिल्लो निर्देशित चलचित्र ‘जारी २’ हो।
‘बखत्ते’मा विपिन कार्की र मिरुना मगरसँगै शिशिर बाङ्देल, अनुराग कुँवर, विनोद न्यौपाने, अनिल सुब्बा, शारदा गिरी, उषा किरण अधिकारी, मिस्री थापा, सुगम दुलाल, सहिष्मा खड्का, अनिशा काफ्ले र बालकलाकार रिन्जेन लामालगायत कलाकारको अभिनय रहनेछ।
आशिष एच. तामाङ र प्रदीपजी धामी निर्माता रहेको चलचित्रमा युवराज काफ्ले कार्यकारी निर्माता तथा अञ्जु पाण्डे र पुष्कर घिमिरे सह–निर्माताका रूपमा छन्।
चलचित्रको छायांकन पुरुषोत्तम प्रधानले गर्नेछन् भने निमेष श्रेष्ठले सम्पादन गर्नेछन्। उत्तम न्यौपानेको साउन्ड डिजाइन रहनेछ। चीफ आरओमा फिरोज खड्का र किरण चाम्लिङ राई तथा हेड अफ प्रोडक्सनमा दिलीप पन्त रहेका छन्। प्रोडक्सन म्यानेजरको जिम्मेवारी रबिन बखरेलले सम्हाल्नेछन्।
चलचित्रमा शुसान्त गौतम, प्रशान्त सिवाकोटी र समीर खरेलको संगीत रहनेछ। गीत युवराज काफ्ले र दानबहादुर कार्कीले लेख्नेछन्। मेकअप तथा हेयरको जिम्मेवारी स्वस्तिका श्रेष्ठ (स्वस्तिका स्टुडियो)ले सम्हाल्नेछिन्।
पोस्टर तथा पब्लिसिटी डिजाइन ट्राइडेन्ट कन्सेप्ट टिमका रोयल भीमसेनले गर्नेछन्। मुभिज डिजिटेनमेन्ट डिजिटल पार्टनर रहेको चलचित्रको काठमाडौंमा एप्पल इन्टरटेनमेन्ट तथा काठमाडौं बाहिर कुबेर सिने डिस्ट्रिब्युसन्सले वितरण गर्नेछ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.