उहाँले पुर्खाहरुले गरेको कामलाई चटक्कै छोड्न नसकिने जनाउँदै अहिलेको युवा पुस्तामध्ये अधिकांशले यो पेशा छोडिसके पनि आफूले आफ्नो पुर्खाको संस्कृतिको रुपमा रहेको यो पेशा जोगाइराखेको बताउनुभयो ।

चाडपर्वमा बजारको मागअनुसार सबैभन्दा बढी दियो विक्री हुने गरेकाले सबैभन्दा बढी दियो नै बनाउने गरेको वडा नम्बर १३ कै अर्का कुम्हाल दिपक कुम्हालको भनाइ छ ।

उहाँले अहिले आफूहरु घैटा, दियो, पाला, भुर्की बनाउन व्यस्त रहेको बताउनुभयो । तिहारको समयमा मागअनुसार दियो पुगाउन नसकिने हुँदा अहिलेबाटै ठुलो संख्यामा दियो बनाउन सुरु गरेको बताउनुभयो ।

प्रतिदियो एक रुपिँयामा बेच्नेगरेको जनाउँदै दिपकले गत वर्षको तिहारका बेला आफूले मात्र ३० हजारभन्दा बढी दियो विक्री गरेको बताउनुभयो ।

दसैं र तिहारको बेलामा नेपालगन्जको त्रिभुवन चोकमा धेरै जनाले माटोको भाँडा बिक्री गर्न आउनेगरेका छन् । नगरको सदरलाइन, त्रिवेणी मोड, त्रिभुवन चोक र धम्बोझी चोकमा माटोको भाँडा विक्री बढी हुने गरेको छ ।