काठमाडौं । नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा हुने पहिलो खेलमा जनकपुर बोल्ट्स र काठमाडौं गोर्खाज भिड्नेछन् भने दोस्रो खेलमा विराटनगर किंग्स र कर्णाली याक्स आमनेसामने हुनेछन्।
दिनको पहिलो खेल दिउँसो १२:३० बजे सुरु हुनेछ। प्रतियोगिताको पहिलो खेलमा कर्णाली याक्ससँग १९ रनले पराजित भएको जनकपुर आज पहिलो जितको खोजीमा मैदान उत्रिनेछ। कर्णालीले दिएको १३३ रनको लक्ष्य पछ्याउने क्रममा जनकपुर १९.३ ओभरमा ११३ रनमै अलआउट भएको थियो।
अमेरिकी बलिङ अलराउन्डर हर्मित सिंहको कप्तानीमा रहेको जनकपुर आजको खेल जित्दै प्रतियोगितामा पुनरागमन गर्न चाहन्छ। यता, करण केसीको कप्तानीमा रहेको काठमाडौं गोर्खाज भने तेस्रो संस्करणको आफ्नो पहिलो खेलमै जित निकाल्दै सुखद सुरुवात गर्ने लक्ष्यमा हुनेछ।
आजको दोस्रो खेल साँझ ४:३० बजे विराटनगर किंग्स र कर्णाली याक्सबीच हुनेछ। सोमपाल कामीको कप्तानीमा रहेको कर्णालीले पहिलो खेलमा जनकपुरलाई हराउँदै विजयी सुरुवात गरिसकेको छ। आजको खेल जित्दै कर्णाली लगातार दोस्रो जित निकाल्ने योजनामा हुनेछ।
अर्कोतर्फ, सन्दीप लामिछानेको कप्तानीमा रहेको विराटनगर किंग्स पहिलो खेलमा पोखरा एभेन्जर्ससँग ८ रनले पराजित भएको थियो। त्यसैले विराटनगर आज कर्णालीलाई हराउँदै प्रतियोगितामा पहिलो जित दर्ता गर्ने र अंकतालिकामा आफ्नो स्थिति सुधार्ने लक्ष्यसहित मैदान उत्रिनेछ।
पहिलो खेलमा जितको खोजीमा रहेका जनकपुर र काठमाडौं तथा दोस्रो खेलमा लगातार दोस्रो जितको लक्ष्यमा रहेको कर्णाली र पहिलो जितको प्रतीक्षामा रहेको विराटनगरबीचको प्रतिस्पर्धाले आजको एनपीएललाई थप रोमाञ्चक बनाउने अपेक्षा गरिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.