अन्नपूर्ण बेस क्याम्प र सगरमाथा आधार शिविर खुम्बु क्षेत्रमा बह्य पर्यटकहरुको चहल पहल बढिरहँदा काठमाडौँ आसपासका पाँचपोखरी, सैलुङ, कालिञ्चोक, लाङ्टाङ मध्यवर्ती क्षेत्र–गोसाइँकुण्ड, रुविभ्याली लगायतका क्षेत्रमा आन्तरिक पर्यटकको घुइँचो पनि उत्तिकै छ ।

यस्तै केही लामो दुरीका कम्तीमा एक हप्ता समय लाग्ने ट्रेकिङ रुटहरू मार्दी, एबीसी घान्द्रुक–पुनहिल, मनाङको तिलिचोदेखि कर्णालीको रारासम्म पर्यटकको आवागमन बढेको स्थानीय ब्यवसायीहरु बताउछन् । अक्टोबर–नोभेम्बर महिना पर्यटनको मुख्य सिजनको महिनामा हो ।

सरकारले सन् २०२३ भित्र १० लाख पर्यटक भित्र्याउने लक्ष्य रखेको छ । अक्टोबरसम्ममा करिब ८ लाख पर्यटक भित्रिसकेकाले बाँकी अवधिमा २ लाख पर्यटक सहजै भित्रिने वोर्डका प्रवक्ता लामिछानेले बताउनु हुन्छ ।