नक्कली भुटानी शरणार्थी प्रकरणमा रायमाझीको आदेश सदर ,खाँडको राय बाझियो

नमस्ते चितवन

शुक्रबार, मङि्सर १५, २०८० मा प्रकाशित

काठमाडौँ , मंसिर १५
नक्कली भुटानी शरणार्थी प्रकरणको थुनछेकको आदेशविरुद्धको पुनरावेदनमा उच्च अदालत पटनले मिश्रित आदेश दिएको छ ।केही प्रतिवादीका सम्बन्धमा जिल्लाकै आदेश सदर गरिदिएको छ भने केही प्रतिवादीहरुलाई साधरण तारिख र धरौटीमा रिहा गर्ने आदेश गरेको छ ।

पूर्व उपप्रधानमन्त्री एवम टोप बहादुर रायमाझीका सम्बन्धमा जिल्ला अदालतकै आदेश सदर गरिरहँदा पूर्व गृहमन्त्री बालकृष्ण खाँडका सम्बन्धमा भने न्यायधीशहरुको राय बाझिएको छ ।

नक्कली भुटानी शरणार्थी प्रकरणसम्बन्धी मुद्दाको सुनुवाइपछि न्यायाधीशद्वय जनक पाण्डे र प्रकाश खरेलबीच राय बाझिएको हो ।

संयुक्त इजालासमा राय बाझिएसँगै बालकृष्ण खाँणको हकमा तेस्रो न्यायाधीशको समेतको इजलासमा सुनुवाइ हुनेछ । त्यतिबेलासम्म खाँण थुनामै रहनेछन ।