काठमाडौं, चैत्र २३
अभिनेता सागर लम्साल बलात्कारको आरोपपछि प्रहरी हिरासतमा परेका छन्। अमेरिकामा बस्ने एक युवतीले सामाजिक सञ्जालमार्फत लगाएको आरोपपछि उनी पक्राउ परेका हुन्।
हालसम्म सागरविरुद्ध कुनै औपचारिक किटानी जाहेरी दर्ता नभएको बताइएको छ। सोही कारण उनलाई बलात्कारको मुद्दामा नभई शान्ति सुरक्षा सम्बन्धी कसुरमा अनुसन्धान गर्न काठमाडौँका प्रमुख जिल्ला अधिकारीले ५ दिनको अनुमति दिएका छन्।
हिरासतमा रहेका सागरलाई भेट्न पुगेका निर्देशक राजु गिरी का अनुसार उनी अत्यन्तै भावुक अवस्थामा देखिएका थिए। सागरले आफ्नो १७ वर्ष लामो करियर क्षणभरमै संकटमा परेको भन्दै आफूलाई ठुलो पीडा भएको बताएका छन्।
यो घटनापछि सागरको व्यावसायिक जीवनमा समेत असर परेको छ। उनलाई छायाङ्कन भइरहेको फिल्म ‘पाँच पाण्डव’ बाट हटाइएको छ भने ‘डल्लेले इन्ट्री मार्यो’ फिल्मको भविष्य पनि अन्योलमा परेको छ।
निर्देशक गिरीले विना जाहेरी पक्राउ गर्ने प्रक्रियामाथि प्रश्न उठाउँदै निष्पक्ष अनुसन्धानको माग गरेका छन्। उनले दोष प्रमाणित नभएसम्म कसैलाई अपराधी ठान्न नहुने बताएका छन्।
यस घटनाले सामाजिक सञ्जालमा आएका आरोप र त्यसको प्रभावबारे व्यापक बहस सिर्जना गरेको छ। अब अनुसन्धानपछि मात्र यस घटनाको वास्तविकता स्पष्ट हुने अपेक्षा गरिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.