वरिष्ठ निर्देशक तुलसी घिमिरेले नेपाली चलचित्रलाई चिनियाँ बजारसम्म पुर्‍याउन सहकार्य र सहज वातावरण आवश्यक रहेको बताउँदै त्यसका लागि सहयोगको अपेक्षा व्यक्त गरे।

‘ट्रयाप्ड’ प्रदर्शनपछि निर्देशक सागर झानसँग दर्शक तथा सञ्चारकर्मीबीच अन्तरक्रिया पनि गरिएको थियो। निर्देशक झानले आफ्नो किशोरावस्थामा देखेका सामाजिक परिवेश र अनुभवबाट प्रेरित भएर चलचित्र निर्माण गरेको बताए। उनले चलचित्रको कथा पूर्ण रूपमा काल्पनिक भए पनि त्यसमा प्रस्तुत परिवेश आफ्ना अनुभूतिसँग नजिक रहेको उल्लेख गरे।

दर्शकहरूले चलचित्रप्रति सकारात्मक प्रतिक्रिया दिएका छन्। कार्यक्रममा सहभागी एक चिनियाँ दर्शकले आफ्नै भाषाको चलचित्र विदेशमा हेर्न पाएकोमा खुसी व्यक्त गरिन् भने नेपाली दर्शकहरूले पनि चलचित्रको कथा र प्रस्तुतीकरणको प्रशंसा गरेका छन्।

काठमाडौंस्थित चिनियाँ सांस्कृतिक केन्द्र, Tribhuvan University, Kathmandu University तथा Lumbini Buddhist University Confucius Instituteको सहयोगमा भइरहेको यो कार्यक्रम बिहीबारसम्म सञ्चालन हुनेछ।कार्यक्रमको पहिलो दिन ‘ट्रयाप्ड’ सँगै ‘बियोन्ड द स्काइज’ र ‘समर डायरी’ समेत प्रदर्शन गरिएको थियो।