काठमाडौं, आषाढ ०२
आगामी भदौ १९ गते प्रदर्शनमा आउने तयारीमा रहेको चलचित्र ‘बाः एक योद्धा’ ले नेपाली समाजमा बुवाले सन्तानका लागि गर्ने त्याग, संघर्ष र जिम्मेवारीलाई मुख्य कथावस्तु बनाएको छ। परिवारको भविष्य निर्माणका लागि जीवनभर लडिरहने बुवाको भूमिकालाई केन्द्रमा राखिएको यस चलचित्रले दर्शकमाझ चासो बढाइरहेको छ।
चलचित्रको छायांकन सम्पन्न भइसकेको छ भने पोस्ट–प्रोडक्सनको काम तीव्र गतिमा अघि बढिरहेको छ। निर्माण टिमले हालसम्म चलचित्रका केही कलाकारको नाम सार्वजनिक गरिसकेको छ। केही दिनअघि सागर खनाल, शिशिर सिवाकोटी, सुप्रिया शर्मा र शवि थापाको नाम सार्वजनिक गरिएको थियो भने यसअघि झरना थापा, सुहाना थापा र दिव्यदेव पन्त कलाकारका रूपमा सार्वजनिक भइसकेका छन्।
यद्यपि चलचित्रको कथाको केन्द्रमा रहेको ‘बा’ अर्थात् मुख्य पात्र को हुन् भन्ने विषय भने निर्माण टिमले अझै गोप्य राखेको छ। यही रहस्यका कारण चलचित्रप्रति दर्शकको उत्सुकता झन् बढेको छ।
निर्देशक हरि लम्सालका अनुसार चलचित्रबारे थप जानकारी क्रमशः सार्वजनिक गरिनेछ। उनले चलचित्रको मुख्य पात्रबारे पनि उचित समयमा खुलासा गरिने बताएका छन्।
कुशे औँसी अर्थात् बुबाको मुख हेर्ने दिनको पूर्वसन्ध्यामा प्रदर्शनमा आउन लागेको चलचित्रको कथा र रिलिज मिति एकअर्कासँग सान्दर्भिक रहेको निर्माण पक्षको भनाइ छ।
नेपाली संगीत क्षेत्रमा दर्जनौं लोकप्रिय गीत सिर्जना गरिसकेका हरि लम्सालका लागि यो पहिलो फिचर फिल्म निर्देशन हो। आर्टिस्टिक इन्टरटेन्मेन्टको ब्यानरमा निर्माण भएको चलचित्रको कथा, पटकथा तथा निर्देशन उनले स्वयं गरेका हुन्।
चलचित्रका निर्माता वसन्त लम्साल हुन्। उनले यसअघि अभिनेता विपिन कार्की अभिनीत चलचित्र ‘कर्मा’ निर्माण गरेका थिए। चलचित्रमा शिवराम श्रेष्ठको छायांकन रहेको छ भने तारानाथ न्यौपाने मुख्य सहायक निर्देशकका रूपमा रहेका छन्।‘बाः एक योद्धा’लाई कुवेर सिने डिस्ट्रीब्युसनमार्फत आशिष एच तामाङ र प्रदीप धामीले देशव्यापी प्रदर्शन गर्नेछन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.