निर्देशक एभरेष्ट सूर्य बोहराले आफूले यसअघि लेखेको चर्चित गीत ‘म त छु कि क्या हो ठूली’ जस्तै ‘ओइ ओइ चमेली’ पनि दर्शकमाझ लोकप्रिय हुने विश्वास व्यक्त गरे।

निर्माता रामनारायण उपाध्याय र सुनिता सापकोटाले ‘चमेलीको पोइ’बाट आफूहरू निकै आशावादी रहेको बताए। उनीहरूका अनुसार चलचित्रको अमेरिकामा विशेष प्रदर्शन भइसकेको छ र त्यहाँबाट उत्साहजनक प्रतिक्रिया प्राप्त भएको छ।

चलचित्रमार्फत करिब डेढ दशकपछि चर्चित हास्य कलाकार नारायण त्रिपाठी (प्रेमचरो) नेपाली रजतपटमा पुनरागमन गर्दैछन्। चलचित्रमा मुकुन भुसाल, सुरक्षा पन्त, विल्सन विक्रम राई, उमेश राई, रवीन्द्र झा, गणेश गौतम, प्रेमदेव गिरी, अंशु महर्जन, बबिन राई, खड्गबहादुर पुन, रजनी गुरुङ, मिना आरएल शाही, रितु मल्ल ठकुरी, तारा शर्मा, सुनिता सापकोटा, विशाल पाण्डे, श्रेया नारायण, धनलक्ष्मी बोहरा र अनुष्का नारायणलगायत कलाकारको अभिनय रहेको छ।

धनलक्ष्मी सिने मेकर्सको प्रस्तुति रहेको चलचित्रको छायांकन शेरबहादुर तामाङले गरेका हुन्। कार्यकारी निर्मातामा उदय विक्रम राणा, रितु मल्ल कुँवर, सुमित्रा थापा र कपिल आचार्य छन् भने धनलक्ष्मी श्रेष्ठ बोहरा लाइन प्रोड्युसर रहेकी छन्। चलचित्रमा कुमार महर्जनको द्वन्द्व निर्देशन, बन्दे प्रसादको सम्पादन रहेको छ। चलचित्रको वितरण आरआर फिल्म्सले गर्नेछ।