काठमाडौं । हास्यव्यङ्ग्यात्मक नेपाली चलचित्र ‘तिरिमिरी झ्याइँ’को छायांकन सम्पन्न भएको छ। ३५ दिनको छायांकन तालिकापछि चलचित्रको सम्पूर्ण छायांकन सकिएको हो।
सोमबार कोशी प्रदेशअन्तर्गत सुनसरीको बराहक्षेत्रमा चलचित्रको अन्तिम दृश्य खिचिएको निर्माण पक्षले जनाएको छ। निर्माता बोगटीका अनुसार छायांकन सकिएसँगै अब चलचित्रको सम्पादन कार्य तत्काल सुरु गरिनेछ। चलचित्रलाई यसै वर्ष प्रदर्शनमा ल्याउने तयारी रहेको उनले बताए।
आभास अधिकारीको कथा तथा अवधारणा र समीरको निर्देशनमा तयार भइरहेको ‘तिरिमिरी झ्याइँ’ पारिवारिक, मनोरञ्जनात्मक तथा सामाजिक कथावस्तुमा आधारित छ। चलचित्रले समकालीन समाजका विभिन्न रमाइला तथा हास्यव्यङ्ग्यात्मक पक्षलाई रोचक शैलीमा प्रस्तुत गर्ने निर्माण पक्षले जनाएको छ।
होराइजन मोसन पिक्चर्स प्रालिको ब्यानरमा निर्माण भइरहेको चलचित्रमार्फत ‘दले दाई’का नामले चर्चित कमेडियन सुमन कोइरालाले ठूलो पर्दामा डेब्यु गर्दैछन्।
चलचित्रमा वरिष्ठ अभिनेता धिरेन शाक्यसँगै आभास अधिकारी, सरोज अर्याल, रियर राई, सुमन कोइराला, सुरज चौलागाईं, राज न्यौपाने, जय राम ढकाल, राजश्री थापा र घनश्याम जोशीलगायत कलाकारको मुख्य भूमिका रहेको छ।
भूपेन्द्र सिटौला ‘नीरज’, शम्भु कार्की, विनोद बुढाथोकी, पुष्कर खतिवडा, दिनेश श्रेष्ठ र अनिल शर्मा सह–निर्माताका रूपमा जोडिएका छन्।
विशाल कक्षपतिको छायांकन रहेको चलचित्रमा अभिषेक कार्कीले संगीत दिएका छन्। गणेश उपाध्याय, प्रेमबहादुर थापा र सुमन कोइरालाले संयुक्त रूपमा पटकथा तथा संवाद लेखेका हुन्।
चलचित्रमा सियोन श्रेष्ठको कोरियोग्राफी रहनेछ भने रोयल भीमसेन (ट्राइडेन्ट कन्सेप्ट)ले पोस्टर तथा पब्लिसिटी डिजाइन गर्नेछन्। निर्माण पक्षले सम्पादनपछि चलचित्रको प्रदर्शन मिति तय गर्ने जनाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.