काठमाडौं । नेपाल प्रिमियर लिग (एनपीएल) मा जनकपुर बोल्ट्सले पहिलो जित निकालेको छ। बिहीबार भएको खेलमा जनकपुरले काठमाडौं गोर्खाजलाई ८ विकेटले पराजित गरेको हो।
काठमाडौंले दिएको ११६ रनको लक्ष्य जनकपुरले १७.२ ओभरमा २ विकेटको क्षतिमा पूरा गर्यो। पहिलो खेलमा कर्णाली याक्ससँग पराजित भएको जनकपुरले दोस्रो खेलमा जित निकाल्दै प्रतियोगितामा पुनरागमन गरेको छ।
टसपछि पहिले ब्याटिङ गरेको काठमाडौं गोर्खाजले १९.३ ओभरमा सबै विकेट गुमाएर ११५ रन बनाएको थियो। काठमाडौंका लागि भीम सार्कीले सर्वाधिक ३३ रन बनाए। रशिद खानले १७ तथा स्मित पटेलले १३ रन जोडे।
जनकपुरका राहुल यादवले उत्कृष्ट बलिङ गर्दै ४ ओभरमा ३१ रन खर्चेर ४ विकेट लिए। सैफ हसनले २ विकेट हात पार्दा मोइन अली, ललित राजवंशी र हरमीत सिंहले समान १ विकेट लिए।
जवाफी ब्याटिङमा जनकपुरका मोइन अली र सैफ हसनले अविजित अर्धशतकीय तथा महत्त्वपूर्ण साझेदारी गरे। मोइनले ५१ बलमा २ चौका र ३ छक्कासहित अविजित ५८ रन बनाए। सैफले ३९ बलमा १ चौका र ३ छक्काको मद्दतमा अविजित ४२ रन जोडे।
काठमाडौंका रिपन मण्डलले १ विकेट लिए पनि जनकपुरको जित रोक्न सकेनन्।
बलिङमा राहुल यादवको उत्कृष्ट प्रदर्शन र ब्याटिङमा मोइन अली तथा सैफ हसनको जिम्मेवार खेलसँगै जनकपुरले प्रतियोगितामा पहिलो जित दर्ता गराएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.