काठमाडौं । ब्लकबस्टर चलचित्र ‘परान’का निर्देशक दीपकप्रसाद आचार्य ‘काकु’को निर्देशनमा निर्माण भएको चलचित्र ‘चिरञ्जीवी भवः’को डबिङ सुरु भएको छ। निर्माण पक्षले बिहीबारदेखि चलचित्रको पोस्ट प्रोडक्सनअन्तर्गत स्वरांकनको काम सुरु गरेको हो।
जिग्री इन्टरटेनमेन्ट र प्रिमियर प्रोडक्सनको प्रस्तुतिमा निर्माण भएको चलचित्रमा अभिनेता हरिवंश आचार्यले आफ्नो भागको संवाद रेकर्ड गराउँदै डबिङको सुरुवात गरेका छन्। छायांकन सम्पन्न भएसँगै निर्माण टोली पोस्ट प्रोडक्सनको काममा जुटेको हो।
निर्देशक आचार्यले चलचित्रको निर्माणदेखि पोस्ट प्रोडक्सनसम्म गुणस्तरमा कुनै सम्झौता नगर्ने बताएका छन्। ‘परान’को सफलतापछि उनले निर्देशन गरेको ‘चिरञ्जीवी भवः’प्रति दर्शकको चासो बढ्ने अपेक्षा गरिएको छ।
सामाजिक विषयवस्तुमा आधारित चलचित्रले दुई पुस्ताबीचको वैचारिक भिन्नता, बदलिँदो सोच र पारिवारिक सम्बन्धलाई मुख्य कथावस्तु बनाएको छ।
चलचित्रमा हरिवंश आचार्यसँगै करिस्मा मानन्धर, आशीर्वाद क्षेत्री र प्रशंसा रायमाझी मुख्य भूमिकामा छन्। प्रशंसाले यसै चलचित्रबाट नेपाली चलचित्र क्षेत्रमा डेब्यु गर्दैछिन्। त्यस्तै, कमलमणि नेपाल, हरिश निरौला, सुमन कार्की, मिश्री थापा, सरोज अर्याल, दीपकप्रसाद आचार्य, सुवर्ण थापा, गीता अधिकारी, अभयराज बराल, रिस्ता बस्नेतलगायत कलाकारको अभिनय रहेको छ।
कुमार कट्टेल ‘जिग्री ब्रो’ पनि चलचित्रसँग जोडिएका छन्। कुमार कट्टेलको कथा रहेको चलचित्रको पटकथा तथा संवाद सविन अधिकारी र वसन्त न्यौपानेले तयार पारेका हुन्। उमेशकुमार बराल र चिरन केसी निर्माता रहेको चलचित्रका कार्यकारी निर्माता गजित विष्ट र शैलेश खत्री हुन्।
शिवराम श्रेष्ठको छायांकन रहेको चलचित्रमा मित्र डी. गुरुङ सम्पादक छन्। बाबुल गिरी, सुशान्त गौतम, रिकेश गुरुङ र समीर खरेलले संगीत तयार पारेका छन् भने गम्भीर विष्ट र किरण थापाले नृत्य निर्देशन गरेका छन्।
धनकुटा, सुनसरी र काठमाडौंका विभिन्न स्थानमा छायांकन गरिएको ‘चिरञ्जीवी भवः’ आगामी २०८३ माघ १ गते अर्थात् १५ जनवरी २०२७ देखि देशभरका हलमा प्रदर्शनमा आउने तय भएको छ। चलचित्रको देशव्यापी वितरण रोहित कट्टेल र रत्न श्रेष्ठको आरआर फिल्म्सले गर्नेछ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.