काठमाडौं ,चैत्र १४
उपप्रधान एवं गृहमन्त्री रवि लामिछानेले राजनीतिक वा कुनै पनि आग्रह पूर्वाग्रह नराखी काम गर्न आफू प्रतिबद्ध रहेको बताउनुभएको छ ।प्रतिनिधिसभा राज्यव्यवस्था तथा सुशासन समितिको आजको बैठकमा गृहमन्त्री लामिछानेले कुनै पनि विषयको छानविन र अनुसन्धानबाट आएका निष्कर्षका आधारमा अगाडि बढ्ने बताउनुभयो ।
गृहमन्त्री लामिछानेले सांसदहरूको प्रश्नको जवाफमा सुन काण्डको प्रतिवेदनमा राज्यका धेरै महत्त्वपूर्ण सूचना रहेको र त्यसलाई प्रभावकारी कार्यान्वयन गर्न आवश्यक रहेकाले उपयुक्त समयमा सार्वजनिक गरिने स्पष्ट पार्नुभयो ।
गृहमन्त्री लामिछानेले बलात्कारपछि हत्या गरिएकी १३ वर्षीय निर्मला पन्तको घटनाको विषयमा मिहिन ढङ्गले अध्ययन भइरहेको पनि बताउनुभयो ।
गृहमन्त्री लामिछानेले रातिको समयमा प्रहरीको पेट्रोल पम्प खुला गर्दा त्यसले सकारात्मक प्रभाव परेको भन्दै पर्यटन प्रवद्र्धन गर्न काठमाडौँ उपत्यका भित्रका व्यापार व्यवसाय २४सै घण्टा सञ्चालन गर्न सुरक्षा संवेदनशीलता, नियम र कानुन हेरेर अगाडी बढ्ने बताउनुभयो ।
गृहमन्त्री लामिछानेले सङ्घीयता कार्यान्वयनका लागि गृह मन्त्रालय अन्तर्गत निर्माण गर्नुपर्ने ऐन निर्माणका लागि संवेदनशील भएर लागिरहेको बताउनुभयो ।
गृह मन्त्रालयका सचिव एकनारायण अर्यालले देशभरको शान्ती सुरक्षाको अवस्था सामान्य रहेको जानकारी समितिमा गराउनुभयो ।
गृह सचिव अर्यालले गृह प्रशासन सुधारका लागि मन्त्रालय अन्तर्गत गठित समितिले काम गरिरहेको, सुरक्षा निकायको सवलीकरणका लागि काम भइरहेको र अपराध अनुसन्धानलाई उच्च प्राथमिकतामा राखेर काम गरिरहेको बताउनुभयो ।
बैठकमा नेपाल प्रहरीका महानिरीक्षक (आइजिपी) वसन्त कुँवर, सशस्त्र प्रहरी महानिरीक्षक राजु अर्याल लगायतको उपस्थिति रहेको थियो ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.