बुद्ध जन्मस्थल लुम्बिनीमा ‘अन्तर्राष्ट्रिय शान्ति महोत्सव’ हुदैछ । विश्व शान्तिको मुहान लुम्बिनीलाई प्रवर्द्धन गर्दै विश्वमाझ शान्ति र अहिंसाको सन्देश दिन महोत्सव गर्न लागिएको हो ।
लुम्बिनीलाई विश्व शान्ति र धार्मिक सांस्कृतिक पर्यटन गन्तव्यको रूपमा विकास गर्दै शान्तिको सन्देश दिने उद्देश्यसहित यही चैत २३ र २४ गते दुई दिन अन्तर्राष्ट्रिय शान्ति म्याराथन, लुम्बिनी अन्तर्राष्ट्रिय ध्यान दिवस र लुम्बिनी शान्ति कन्सर्ट गरी तीन वटा प्रमुख कार्यक्रम सहितको महोत्सव हुन लागेको हो ।
लुम्बिनी विकास कोषको परिसरमा हुने कार्यक्रममा चैत २३ गते बिहान लुम्बिनी पवित्र उद्यानमा अन्तर्राष्ट्रिय ध्यान र साँझ संवाद कार्यक्रम राखिएको छ । चैत २४ गते लुम्बिनी स्क्वायरमा लुम्बिनी अन्तर्राष्ट्रिय शान्ति म्याराथन हुनेछ । उसै दिन साँझ लुम्बिनी शान्ति कन्सर्ट आयोजना गरिएको छ । जसमा आनी छोइङ डोल्मा, चिनियाँ गायक उलान तुया, लु निङ लगायतले प्रस्तुति दिनेछन् । प्रदेश खेलकुद परिषद् लुम्बिनीका सदस्यसचिव जयप्रकाश भट्टराईका अनुसार पुरुषतर्फ अन्तर्राष्ट्रिय मापदण्ड अनुसारको ४२ किलोमिटरको म्याराथन दौड हुनेछ ।
यस्तै, महिलातर्फ २१ किलोमिटर दूरीको हाफ म्याराथन हुनेछ । ५ किलोमिटरको रोड रेस र विद्यालयका छात्र, छात्राको लागि ३ किलोमिटरको वाकाथन लगायतका खेलकुद कार्यक्रम पनि समावेश गरिएको छ । म्याराथन प्रतियोगिताको विजेताले ५ लाख पाउने छन् । आयोजकका अनुसार कार्यक्रम सम्पन्न गर्न करिब २० लाख रुपैयाँ लाग्नेछ । तीन वर्षदेखि लुम्बिनीमा म्याराथनको आयोजना गर्न थालिएको हो ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.